歧視外傭｜外傭用餐遭歧視諸多阻撓？ 侍應：工人唔好入嚟食嘢啦 餐廳有回應

外傭周末假日出街食嘢遭拒入餐廳？近日，有僱主在Threads發帖為工人姐姐抱不平，指家傭假日與朋友前往一間東南亞餐廳時，遭到侍應「諸多阻攔」，更表示「你哋工人嚟㗎唔好入嚟食嘢啦」。事件在網絡發酵引網民眾怒，涉事餐廳對此有回應……歧視外傭｜雇主替工人姐姐抱不平　指外傭用餐遭歧視諸多阻撓僱主以「工人姐姐出街俾人蝦！」為題發帖，指工人姐姐日前周末與朋友出街，到啟德的一間餐廳用餐，當時餐廳內仍有不少空位，惟兩人卻未獲放行，而餐廳當時先安排其他客人入座，「個侍應仲要同佢哋講呢度冇特價，你哋工人嚟㗎，唔好入嚟食嘢」。 ▼點擊圖片放大 +6 +5 工人姐姐聞言表示「我哋有錢食飯㗎」，卻仍遭到侍應「諸多阻攔」，最後等待許久才獲安排入座。樓主聞言相當憤懣「我哋覺得勁鬧囉」她認為該餐廳的侍應「擺明就係其實姐姐」，直言外傭放假也是普通人，為何要被如此對待，「呢啲睇唔起人嘅餐廳絕對唔值得我哋再去幫襯」。帖文引起熱議，網民力撐工人姐姐應該得到尊重，「點可以咁樣對個姐姐，佢哋打工好似香港人打份工咁，我哋都係平等平起平坐」、「會比返幾分尊重，離鄉別井打工養家！仲要無拎香港人資源」、「大家唔使再去」、「上星期四去啟德食，老實講員工態度真係幾差，十問九唔答又串又唔耐煩」；也有人質疑外傭所言的真實性，「唔係話幫間餐廳，你係咪確定你姐姐無加鹽加醋」。歧視外傭｜餐廳有回應：我哋絕無歧視任何客人！事件連日發酵後，涉事餐廳發表聲明澄清，強調「我哋絕無歧視任何客人」，並列3大要點說明實際情況：首先，新泰一向歡迎、珍惜每一位客人，任何背景、國籍或身份，我們都一視同仁地歡迎，絕對不存在差別對待。關於當天嘅誤會，我們想解釋一下實際情況：1. 對預約客人嘅承諾：由於當日係5月10日母親節，多謝各位新舊客人支持，新泰啟德舖晚市訂座已爆滿，包括下午5點嘅第一輪。我們非常重視訂位客人的信任，所以必須留位，並非刻意唔俾現場walk-in客人入座。2. 公平收費： 新泰全線當日全天候都沒有折扣優惠。平日有下午茶8折，所以當日reception同事會對每一位顧客特別說明當日安排，並非單獨對工人姐姐或佢嘅朋友講。新泰收費公開透明，絕對沒有針對特定人群有不同的標準。3. 從來冇講過「你哋工人嚟㗎，唔好入嚟食嘢啦」：呢句說話我哋任何一位同事都絕對冇講過。當日我哋向每一位客人解釋嘅係「今日母親節，下午茶優惠暫停，所有食品正價」。同事有嘗試以英文和該位顧客溝通，若果同事表達得唔清晰令佢哋誤會，我哋深感抱歉，但我哋必須嚴正澄清，從未講過任何侮辱性或歧視性嘅言論。 感謝大家的監督與體諒，我們會繼續努力，確保每位來到這裡的朋友都能感受到同樣的尊重與熱情！如果當日嘅姐姐或佢嘅朋友見到呢段回應，我哋誠意邀請你再次光臨，到時請聯絡我哋，我哋希望親自向你道歉，並送上小小心意。