大龍鳯︱古天樂出品舞台劇 廖子妤笑稱因一事感「升呢」 張繼聰首任監製：希望觀眾係嚟參加一場派對！

【張繼聰 / 朱栢謙 / 廖子妤】古天樂出品「天下一幕」頭炮舞台劇《大龍鳯》在今日（5月12日）舉行記者招待會，宣布於7月24日起假西九文化區自由空間大盒隆重上演。《大龍鳯》改編自金像獎編劇龍文康在香港3度公演的經典作品，全新版本將由張繼聰首度任監製，與張志敏、郭芙聯手上陣，並邀得曾憑同劇奪得2014「香港舞台劇獎最佳男主角」的朱栢謙主演兼執導，與出爐金像影后廖子妤（Fish）夥拍特別演出何嘉莉，聯同首次合作登場的吳冰、黃梓僑、徐浩昌（肥腸）、湯君慈、許月湘、趙君瑜、李玗蓁、黃詩詠等。農夫演唱會2026︱MC張天賦自爆小學迷戀農夫　揭農夫新老闆為古天樂　壓軸現身與C君陸永齊切燒豬 大龍鳯︱古天樂驚喜拍片加持作為「天下一幕」的老闆，古天樂今日以影片形式現身記者會撐場，表示：「今日係一個好有意義嘅日子，首先佢係 One Cool 踏入舞台領域嘅第一步，亦係張繼聰第一次擔任舞台劇嘅監製，帶領 Fish、朱謙，仲有一班好有活力嘅新演員，班底誠意十足。希望大家多多支持，入場支持呢齣《大龍鳳》。」首次擔任舞台劇監製的張繼聰更預告會將入場體驗全面「升級」，揚言要將電影的張力與舞台的現場感Cross-over，於會上透露：「觀眾一踏入劇場，就有婚禮佈置令大家置身於百分百《大龍鳳》嘅婚禮現場，亦請嚟樂隊表現 Live Music 帶你入戲，更準備埋 Free Drinks 請大家飲杯『喜酒』打卡！我希望觀眾唔係嚟『睇』一場劇，而係嚟『參加』一場派對！」 ▲ 《大龍鳯》記者會，朱栢謙、龍文康、張繼聰。（左起）大龍鳯︱廖子妤笑認「升呢」做朱栢謙老婆劇中核心家庭關係錯綜複雜，朱栢謙飾演一家之主，廖子妤則飾演其現任妻子，而何嘉莉飾演其已故前妻。第三度參演《大龍鳳》並首次兼任導演的劇帝朱栢謙坦言，今次最大的挑戰是「要做得比之前更好、更有驚喜，務求令觀眾耳目一新」。由影圈跨界舞台劇的Fish則大表興奮，笑言：「好開心今次能夠參演並同朱謙合作。上一次我哋合作，佢係演我嘅繼父，今次我就做咗佢老婆，感覺真係好似『升咗呢』！」幽默發言引來全場大笑。 ▼點擊圖片放大