歌手林家謙｜《四月物語》被納入DSE音樂科考題感意外 林家謙親解畫為聽眾提供第一身創作視角

【林家謙 / 四月物語 / DSE / 1圈圈】商業電台節目《1圈圈》於今日（6日）邀請林家謙進行電話訪問，親自回應近日中學文憑試（DSE）音樂科引用其作品《四月物語》作為考題的熱話。林家謙首次公開分享他對此事的看法，並親解歌曲最後一段副歌如何營造高潮，為廣大考生和樂迷帶來第一手資訊。歌手林家謙｜林家謙對DSE考題感意外　親身解構《四月物語》高潮位對於《四月物語》被選為DSE音樂科考題，林家謙坦言感到意外。他表示自己與考生一樣，也是在考試當天才得知此消息，並形容「感覺有少少古怪」。他直言：「我冇諗過自己啲歌會喺考題入邊出現，然後我又未至於覺得隻歌有咁多嘢要 analyze，所以就有啲唔係好相信。」 ▼點擊圖片放大 +4 +3 當被問及若身為考生會如何回答「《四月物語》最後一段副歌如何透過編曲、節奏、演繹方式營造高潮」這條題目時，林家謙笑言：「哇！咁難！首先個marking scheme唔喺我度，我冇得講個model answer，我冇得代表考評局去講啱唔啱。」他隨後親自解畫，指出自己在創作歌曲時是憑感覺行事：「我寫嘅時候冇特別好計算地話呢個位一定要點樣先做到呢個效果（高潮），反而嗰時冇諗咁多嘢。不過編曲嗰時就會諗technically點樣可以將啲嘢再提升。」他亦在節目中親自解構了最後一段副歌中旋律的變化，為聽眾提供了第一身的創作視角。歌手林家謙｜堅持創作純粹本質　與考生互動幽默風趣祝福DSE學子對於今次被引用為考題會否令他日後創作時「諗多一步」，林家謙直言：「唔會啊。我prefer創作嘅時候就唔好諗咁多呢啲好technical或者諗要加啲咩落去去令到佢咁（有效果），始終我覺得創作都係以最純粹行先，會感動人啲。」他強調自己平日寫歌較少從技術性角度出發。主持亦提及有考生在社交平台表示「好感動」，林家謙亦親自留言回應，將歌曲前奏的幾個音填上「報dse 報dse 報dsE↗️ 考試」，並在節目中即場演繹。 ▲ 林家謙。（IG圖片）談到甚麼答案能獲得他青睞，林家謙表示：「如果佢寫到一啲可能我自己都唔知嘅嘢，佢原來發覺呢個位有一個咁樣嘅twist或者有一個咁樣嘅處理係我自己都冇為意，咁我會覺得『唉，你諗多咗喇』。」隨即再表示：「唔係，即係佢畀我更加analyze得好。我嘅見解唔代表晒，亦都唔可以代表考評局。」並在訪問最後衷心祝福所有考生都能獲得5**的佳績。