地獄大狀︱林愷鈴感激拍檔對戲助發掘角色多面向性格 魏浚笙預告角色多情感流露

【地獄大狀 / 林愷鈴 / 魏浚笙】由銀河映像製作，朱淑儀監製、何靜怡監製及編審、黃偉傑導演的ViuTV原創劇《地獄大狀》將於10月5日登場。故事講述由林愷鈴（Ashley）飾演的大律師邱蔭蔭有日突然遇襲，她在彌留之間遇上一位已死富翁，並受其委託重返陽間，為他處理遺產！死過翻生幫鬼打官司，邱蔭蔭見證爭產的光怪陸離，親歷活人把死人激到「從棺材彈起」。遺產的意義，到底是祝福，或是詛咒？龔慈恩兒子︱龔慈恩加拿大旅遊探親　22歲細仔林卓毅當地做實習律師 ▲ 《地獄大狀》地獄大狀︱林愷鈴感恩遇好對手林愷鈴所演的邱蔭蔭仇人比親人多，表面上她說話鋒利不留餘地，理性得近乎冷漠，現實得近乎冷血，不過Ashley對角色卻有更深層的解讀：「可能因為童年一啲唔開心嘅經歷，人與人之間嘅感情未必畀到蔭蔭好大安全感，或者佢對呢樣嘢都有少少恐懼，所以佢表現到對世界有一道牆咁，用嚟保護自己，但佢內心其實係非常柔軟。」被問到現實中的自己跟角色性格相不相似？Ashley覺得她與蔭蔭很不一樣：「我係一個幾怕事同內向嘅人，對住人會採取比較溫和嘅方法去溝通或者談判。蔭蔭就係好強硬，一出嚟係就係，唔係就唔係，唔需要睇人面色，可能因為角色設定上佢都比我大10年，已經喺社會上有一定程度嘅權威。」作為女演員，Ashley很喜歡今次的劇本，她說：「個故事非常新穎，又有啲同大狀、法律相關嘅劇情，亦帶住一啲奇幻色彩，例如我地個地獄場景咁，都有一種去咗異世界嘅感覺。」Ashley又謙虛地表示，因為拍攝期間一直遇到很多好演員，令蔭蔭這角色更立體：「每一次遇到唔同嘅對手，都會產生唔同嘅火花出嚟，令蔭蔭多咗好多唔同嘅面向，即係好似現實生活中，一個人對住唔同人都有唔同面向咁，角色咁立體唔係我刻意設計出嚟。」 ▲ 《地獄大狀》地獄大狀︱魏浚笙指溝通很重要至於另一主演魏浚笙（Jeffrey），就預告今次飾演的金賢斌會有比較多情感流露的戲份，他解釋：「賢斌嘅媽媽好早就走咗，佢一直怪責自己，覺得以前做得唔夠好，唔夠關心媽媽，於是之後就去幫助其他女士，做一個傾談嘅角色，希望佢地唔好諗埋一邊，後來亦喺過程中鍾意咗Ashley，即係蔭蔭。無論係失去親人、思念親人，或者對Ashley嘅掛念，呢啲情感都會喺劇中呈現出嚟，所以今次呢個角色，對我Jeffrey嚟講，都係一個好好嘅體驗。」談起與家人的關係，Jeffrey表示大家感情十分好，說：「我哋咩嘢都會傾，咩嘢都會講笑，一家人最緊要唔好收收埋埋，凡事都要溝通。好多嘢本身溝通就可以解決到，但如果問題一直唔知或者積積埋埋，就會化成好大件事。」 ▼點擊圖片放大 +5 +4