宏志閣再次上樓執拾 有居民指只有3小時「要攞都真係攞唔晒」

政府安排沒有受大火波及的宏福苑宏志閣居民今日(13日)至17日期間，再次返回單位執拾物品，每個單位可以容許4人進入，每次逗留3小時。居民期間可以多次上落樓，大廈有升降機運作。今早8時許，陸續有居民到場前往廣福社區會堂登記，部分帶同手推車、行李箱及紙皮箱上樓收拾。 宏志閣居民呂先生今早帶同行李箱上樓收拾，他表示，上次上樓限時1.5小時，未能取走太多物品，今次計劃取回部分文件及家具，包括保單及儲物櫃等。至於3小時收拾時間是否足夠，他稱已提前列出執拾清單，期望盡量取回更多物品，「盡做啦，你話要攞都真係攞唔晒」。 居民王女士稱，對上第一次上樓執拾安排很混亂，因為突然間收到CALL，「其實唔夠時間，當時仲有好多流程。」下午去到進行行政程序已天黑，晚上七時許才上到樓，「入到去仲要畀少少口供」，「跟住係咁執，因為唔想阻住其他人收工」，所以「只執咗1個鐘」。期間又要「返轉頭去NGO度登記」，對方通知九點前要去到，「因為要閂門，都好混亂好趕。」 對於今次上樓執拾只有3小時，王女士稱，「搬屋幾時都唔夠，因為我間屋拆緊裝修入面大亂混呀依家。」「可能要搵啲嘢喺邉度，另外體力上搬唔到，恒常搬屋都搵搬屋公司，除非好多壯男幫你。」今次上樓主要「執番有紀念價值嘢，例如相簿，有現金價值啲嘢，媽媽以前留抵啲嘢，都緊張有冇畀人偷嘢。」 居民林女士表示，今次上樓主要收拾衣物及紀念品，包括相片、證書及獎狀，「執就執唔晒，始終都係幾十年嘅家，乜嘢都喺度，乜都想拎，但係就攞唔走囉」，又提到單位完成裝修不久，屋內電器、家具等都是全新，「淨返好多回憶喺度」。問到再次返回單位有何感受，她語帶哽咽指，「都係唔知點解個心好沉重，點都放唔得低……百般滋味在心頭」。 另外，居民林先生表示，上次主要收拾貴重物品，今次打算收拾相簿等有紀念價值的物品，亦會影相拍片，「因為唔知道幾時返去，又唔知道下次返去會唔會畀人整爛咗某啲嘢」，形容再次返回單位心情「沉重」，「我呢度都住咗30幾年……同埋咁多街坊離開咗」。問到會否擔心又再相隔很長時間才能回家，他直言不知道，「政府效率咁高咪等佢處理囉，都冇得選擇……政府幫我哋選擇㗎嘛」。