東方日報A1：宏福簡介會 居民轟欠透明 十問九唔應

大埔宏福苑去年發生致命火災後，合安管理有限公司獲委任為宏福苑業主立案法團管理人，縱然有業主聯署要求召開業主大會，惟合安事隔多月後，昨日舉行網上簡介會交代大維修剩餘款項及工程進展等事宜，惟會後被不少居民「鬧爆」，眾人對簡介會表達強烈不滿。有居民批評簡介會透明度極低，直指群組有460人卻無人被抽中，懷疑被揀的街坊早已揀好、做「媒」，敷衍及浪費居民時間。另有居民批評保險問題解說不清，憂慮一旦將業權賣給政府後會影響賠償安排。就合安始終未有交代業主大會的確實召開日期，居民直斥：「呢啲唔係藉口嚟㗎囉，咁多簽名話要開就一定要開㗎啦！」 宏道閣居民吳小姐與家人收看簡介會直播，她事後接受本報訪問時指出，簡介會雖設有問答環節，但居民需「舉手」被抽中才能發言。她透露，她一個有460人的宏福苑居民通訊群組，卻沒有居民被抽中，質疑整個簡介會的透明度，甚至懷疑做「媒」。吳指，合安會讀出4個號碼，居民需被讀中號碼才能發問，但有部分居民根本不知道該4個號碼從何而來、在哪裏查閱。她不理解為何合安不選擇直接讀出發問居民的名字，直言「就算讀中咗部分居民嘅號碼，嗰個居民可能都會唔知道係由佢發問」。 簡介會的焦點，落在業主大會遲遲未召開的問題。居民引述合安物業服務總監陳偉光回應指，簡介會並非取代業主大會。陳偉光透露，過往業主大會曾就法定人數及授權票真確性出現爭議，合安正尋求法律意見，確保程序公正及保障全體業主權益，待準備妥當後會盡快安排大會。惟居民吳小姐直斥：「究竟幾時真正召開業主大會？呢啲唔係藉口嚟㗎囉，你召集咗咁多簽名要開，一定要開㗎啦。」 吳小姐批評是次安排未能滿足居民提問需求，尤其中國太平保險（香港）有限公司代表雖有列席，但無居民成功提問，直言「好想問佢嘢，但就係冇街坊問到，嘥咗個機會」。她提出居民另一重大憂慮：多項保險需待聽證會報告才知道後續安排，但居民擔心一旦將業權賣給政府後，「到時會唔會賠償又唔關我哋事呢？」她解釋，居民擔心保險賠償會落入政府手中，而非業主袋中。她認為合安應以管理人身份收集居民意見，而非任由政府「煮好啲餸畀我哋就要食」。 另一宏盛閣居民黃先生指，「我哋買咗保險，最簡單的就係有冇賠償，但佢連賠定唔賠都答唔到！」黃被問到保險事宜顯得無奈，至於退款方面，他預料可獲退款約6萬至7萬元，因大部分居民都供到第5期。他指，居民付款去買一個維修工作，「佢哋冇完成之餘仲燒咗屋苑，但竟然話做咗一半要收你一半錢，就好似做Facial完成咗一半，你爛面我都要收你一半錢，其實呢件事合唔合理呢？」 此外，宏泰閣居民葉先生出席簡介會後接受訪問時形容，會議只是單向播放PowerPoint，即使設有問答環節，他透過QR code提交了多條問題，最終「冇人睬」，他自嘲「唔好彩，揀唔中」，認為合安並不會聆聽居民的改善意見。葉先生認為，合安對保險賠償的交代「唔係好認真，亦都唔係好深入」，只是初步提及保障範圍包括公共地方和外牆。他明白單位內的財物不獲賠償，但期望合安能更詳細說明。而宏泰閣另一居民黃太亦直斥簡介會敷衍居民，透明度低及浪費時間，「聽嚟聽去都係啲重複嘅問題，真係好忟憎！」 退款安排是居民最關注的議題之一，葉透露自己繳付了5期維修費，其鄰居甚至繳付了6期。他留意到合安簡報中提到，部分單位一期甚至全期都未繳交費用。他不理解：「佢一期都冇交，點解保證金對佢嚟講都應該有份攞？」他建議欠款戶應先補交相應期數的款項，令所有業主處於同一水平，再統一計算退款。他強調：「佢原本係爭幾多咪照補番幾多囉。」 更多新聞，請瀏覽東方日報網頁： http://orientaldaily.on.cc/